დეკანოზი ლევან ჯიქური მაღალჩინოსნების კორუფციასა და დაუსჯელობაზე მწვავე განცხადებას ავრცელებს. სასულიერო პირი ეხმაურება მაღალი თანამდებობის პირებისთვის მაღალი ხელფასების დანიშვნას
„მაღალ თანამდებობაზე მყოფებს დიდ ხელფასებს იმიტომ ვაძლევთ, რომ ფული აღარ მოიპარონო. ამ ლოგიკას თუ გავყვებით, მოსახლეობის უმეტესობას, ისეთი დაბალი შემოსავალი გვაქვს, ჩვენ კი არ უნდა ვიპარავდეთ, კარგა ხნის გავარდნილები უნდა ვიყვეთ ტყეში ყაჩაღებად.
არადა რეალობა როგორია, ქრთამებზე და კორუფციაზე, ზუსტად იმათ იჭერენ ვისაც დიდი შემოსავალი აქვს, შედიან ციხეებში, მალე გამოდიან და ცხოვრობენ მეფეებივით. ჩვენ კი, რაც გვაქვს იმას ვჯერდებით და ვართ სიდუხჭირეში.
ზოგს უკვირს რა უნდა სამი მილიონი კაცის მიხედვასო, ამდენი წურბელა რომ გეყოლება ქვეყანაში, რამდენს აიტანს, საუდის არაბეთი ხო არაა? იმიტომ ვერ გაიმართა წელში. დაინდეთ ქვეყანა, სამსჯავროზე ნებისმიერ ადამიანს, სახლში წაღებულ ყველა არასწორ კაპიკზე, აგებინებენ პასუხს“ – წერს დეკანოზი ლევან ჯიქური
