საბერძნეთში, ათენში, ქართველ ემიგრანტს, ნიკა გუგეშაშვილს ეძებენ. ინფორმაციას ამის შესახებ კოტე შენგელიას საინფორმაციო გვერდი ავრცელებს.
„S.O.S. საბერძნეთში ქართველ ემიგრანტს ეძებენ!
საბერძნეთში ეძებენ ნიკა გუგეშაშვილს.
თუ ვინმეს გაქვთ რაიმე ინფორმაცია ნიკა გუგეშაშვილის ადგილსამყოფლის შესახებ, ან სადმე შენიშნეთ, გთხოვთ, დაუყოვნებლივ მოგვაწოდოთ ინფორმაცია.
გთხოვთ, გააზიაროთ ეს პოსტი, რათა ინფორმაცია რაც შეიძლება მეტ ადამიანს მიუვიდეს.
თითოეულ გაზიარებას შესაძლოა დიდი მნიშვნელობა ჰქონდეს!
გთხოვთ, გამოვიჩინოთ სოლიდარობა და დავეხმაროთ მის მოძებნაში“, – აღნიშნულია გავრცელებულ ინფორმაციაში.
დაკარგული ბიჭის შესახებ სოციალურ ქსელში არაერთი განცხადება ვრცელდება:
„გააზიარეთ სასწრაფოდ, ათენში მცხოვრებო ემიგრანტებო! გთხოვთ, გავერთიანდეთ და დავეხმაროთ ოჯახის წევრებს!
ათენში დაკარგულია ახალგაზრდა მამაკაცი, დაბადებული 2006 წელს. ოჯახის ინფორმაციით, უკვე 48 საათზე მეტია ვერ დაუკავშირდნენ და მის შესახებ არანაირი ინფორმაცია არ აქვთ.
გთხოვთ, ყველას, ვინც ათენში იმყოფებით, ყურადღებით დააკვირდეთ ფოტოს. შესაძლოა ვინმეს გინახავთ ეს ახალგაზრდა ან გქონდეთ რაიმე ინფორმაცია მისი ადგილსამყოფლის შესახებ. ნებისმიერი, თუნდაც უმნიშვნელო ინფორმაცია, შესაძლოა ძალიან მნიშვნელოვანი აღმოჩნდეს მისი ოჯახისათვის. გთხოვთ, გააზიაროთ ეს პოსტი, რათა ინფორმაცია რაც შეიძლება მეტ ადამიანამდე მივიდეს და ახალგაზრდა დროულად და უვნებლად დაბრუნდეს ოჯახში. ვლოცულობთ, რომ ის მალე ჯანმრთელი და უსაფრთხო დაუბრუნდეს თავის ოჯახს!“, – წერენ სოცქსელში.