„ქართული ოცნების“ მხარდამჭერისა და წლების წინ ამ პარტიის პიარ-კონსულტანტის მიერ მროველ-ურბნელი მიტროპოლიტის გინების ფაქტს საქართველოს მეხუთე პრეზიდენტი გამოეხმაურა.
როგორც მან ფეისბუქ ლაივიში კითხვა-პასუხისას განაცხადა, ეს იყო “მესიჯ ბოქსი“, რომ შეიძლება ლანძღვა მეუფესი, იმიტომ რომ გააკრიტიკა „ქართული ოცნების“ მმართველობა.
სალომე ზურაბიშვილის თქმით, მათი რეაქციიდან კარგად გამოჩნდა, როგორც “ამოხეთქა მათმა შინაგანმა ურჯულობამ“
სრულიად წარმოუდგენელი რეაქცია “ოცნებიდან“, რომელიც ჩვენ ყველას გვასწავლიდა, ეკლესიის მიმართ როგორ უნდა იქცეოდე და უცებ ამოხეთქა მათმა შინაგანმა ურჯულობამ და ისე მიმართეს მეუფე იობს, რომელიც ვერ წარმომიდგენია, რომ რომელიმე მართმადიდებლურ ქვეყანაში ხელისუფლებიდან წამოვიდეს ასეთი გზავნილი. სწორედ საქართველოში, რომელსაც სულ სხვა ტრადიცია და ისტორია აქვს, ჩვენ რომ ამას ვაჩვენებთ მსოფლიოს, რომ შეიძლება, ვინმემ ასე მიმართოს და სხავდასხვა წევრებმა “ოცნების“, ერთი არის ეს ნაცვლიშვილი და სხვები არიან მინისტრები რომ არიან. ეს იყო “მესიჯ ბოქსი“, რომ, შეიძლება ლანძღვა მეუფესი, იმიტომ რომ გააკრიტიკა „ქართული ოცნების“ მმართველობა,- თქვა ზურაბიშვილმა.
შეგახსენებთ, რომ „ქართული ოცნების“ დეპუტატმა, მარიამ ლაშხმა, მეუფე იობის ქადაგების შეფასებისას თქვა, რომ „ღმერთმა შეუნდოს“
ლაშა ნაცვლიშვილმა, რომელიც „ქართული ოცნების“ მხარდამჭერია და წლების წინ ამ პარტიის პიარ-კონსულტანტიც იყო, სოციალურ ქსელში დაწერა: „იობ ტვაიუ მაწ რა“.