თურქეთში ფოლადისა და რკინის მწარმოებელ ქარხანაში აფეთქების შედეგად სამი ადამიანი დაიღუპა, დაშავდა 14, მათგან სამის მდგომარეობა მძიმეა. დაკარგულად 10 პირი ითვლება.
ამის შესახებ ინფორმაციას „როიტერი“ იზმირის გუბერნატორის ადმინისტრაციაზე დაყრდნობით ავრცელებს.
როგორც ცნობილია, შემთხვევა თურქეთის დასავლეთით, იზმირში, ალიაგას რაიონში დილით მოხდა.
სამძებრო-სამაშველო ოპერაცია ამ დრომდე გრძელდება, ნანგრვებში შესაძლოა, ათი ადამიანი რჩებოდეს.