ორშაბათის შემდეგ ევროპის მასშტაბით ბომბის არსებობის შესახებ ცრუ შეტყობინება 35-ზე მეტმა თვითმფრინავმა მიიღო, აქედან 27 – მხოლოდ ხუთშაბათს დაფიქსირდა. ცნობილია, რომ ავიაკომპანიებმა შეტყობინება ძირითადად ელექტრონული ფოსტით მიიღო. სამოქალაქო ავიაციის საერთაშორისო ორგანიზაციის ინფორმაციით, ინციდენტმა სულ მცირე 16 ქვეყანა დააზარალა, რომლებიც ამ რეისების გამგზავრების, დანიშნულების ან იძულებითი დაშვების ადგილებს წარმოადგენდნენ.
არცერთ თვითმფრინავზე ასაფეთქებელი ნივთიერება არ აღმოჩნდა, თუმცა მიღებული გაფრთხილებები საკმარისი აღმოჩნდა იმისთვის, რომ ლაინერებს კურსი შეეცვალათ და მგზავრების ევაკუაცია განხორციელებულიყო. გარდა ამისა, ოთხმა ქვეყანამ რეისების ესკორტირებისთვის სამხედრო გამანადგურებლები ააფრინა. უახლესი ინფორმაციით კი, Wizz Air-ის რეისი, რომელიც პრაღიდან რომში მიფრინავდა, ბომბის არსებობის შესახებ მიღებული შეტყობინების გამო, ვენეციის მიმართულებით გადამისამართდა და იქ დაეშვა