მიზანში მიყოლებით იღებდნენ ხან ერთ ავიაკომპანიას თუ აეროპორტს და ხან – მეორეს: ცრუ განგაში ევროპის ცაში – ვინ დგას ამ ყველაფრის უკან?

14:21 / 06-11-2026
მიზანში მიყოლებით იღებდნენ ხან ერთ ავიაკომპანიას თუ აეროპორტს და ხან – მეორეს: ცრუ განგაში ევროპის ცაში – ვინ დგას ამ ყველაფრის უკან?
5 ოქ­ტომ­ბერს, ევ­რო­პის რამ­დე­ნი­მე აე­რო­პორ­ტსა და ავი­ა­კომ­პა­ნი­ას ბომ­ბის მუ­ქა­რის შემ­ცვე­ლი შე­ტყო­ბი­ნე­ბე­ბი გა­უგ­ზავ­ნეს. შე­დე­გად, სულ მცი­რე, 21 რე­ი­სი შე­ფერ­ხდა. მუ­ქა­რე­ბის უმე­ტე­სო­ბა იმ­დე­ნად სე­რი­ო­ზუ­ლად მი­იჩ­ნი­ეს, რომ თვითმფრი­ნა­ვე­ბი სხვა აე­რო­პორ­ტებ­ში გა­და­ა­მი­სა­მარ­თეს. იტა­ლი­ა­ში კი ერთ-ერთი რე­ი­სის თან­ხლე­ბის მიზ­ნით სამ­ხედ­რო გა­მა­ნად­გუ­რებ­ლე­ბიც ააფ­რი­ნეს. გა­მო­ნაკ­ლი­სი იყო ლონ­დო­ნის ჰით­რო­უს აე­რო­პორ­ტი, სა­დაც მუ­ქა­რას მსგავ­სი რე­ა­გი­რე­ბა არ მოჰ­ყო­ლია.

მოგ­ვი­ა­ნე­ბით გა­ირ­კვა, რომ ყვე­ლა შე­ტყო­ბი­ნე­ბა ცრუ გან­გა­ში იყო.

ინ­ცი­დენ­ტე­ბის ერ­თდრო­ულ­მა და კო­ორ­დი­ნი­რე­ბულ­მა ხა­სი­ათ­მა გა­ა­ჩი­ნა კი­თხვა, ხომ არ დგას მათ უკან რუ­სე­თი.

ეჭვს აძ­ლი­ე­რებს ევ­რო­პა­ში ბოლო პე­რი­ოდ­ში მომ­ხდა­რი სხვა შემ­თხვე­ვე­ბიც: კი­ბერ­შე­ტე­ვე­ბი მნიშ­ვნე­ლო­ვან ობი­ექ­ტებ­ზე, დრო­ნე­ბის გა­მო­ჩე­ნა და ინფრას­ტრუქ­ტუ­რა­ზე თავ­დას­ხმე­ბი. ბოლო დღე­ებ­ში ჰა­კე­რუ­ლი შე­ტე­ვის სა­მიზ­ნე გახ­და სუ­პერ­მარ­კე­ტე­ბის სა­ყი­ნუ­ლე­ე­ბი და სის­ხლის ბან­კი. აგ­ვის­ტო­ში კი დრო­ნე­ბით თავ­დას­ხმა მოხ­და გერ­მა­ნი­ის ლა­იფ­ციგ-ჰა­ლეს აე­რო­პორტზე, რა­შიც ქვეყ­ნის ში­ნა­გან საქ­მე­თა მი­ნის­ტრმა სა­ჯა­როდ მოს­კო­ვი და­ა­და­ნა­შა­უ­ლა.

შე­საძ­ლოა, ეს ყვე­ლა­ფე­რი რუ­სე­თის მიერ წარ­მო­ე­ბუ­ლი ჰიბ­რი­დუ­ლი ომის ნა­წი­ლი იყოს?
ასე­თი ვა­რა­უ­დის მომ­ხრე­ე­ბი მი­იჩ­ნე­ვენ, რომ მსგავ­სი ქმე­დე­ბე­ბი ე.წ. ჰიბ­რი­დუ­ლი ომის მა­გა­ლი­თია. ამ ტერ­მი­ნით აღ­წე­რენ პრო­პა­გან­დის­ტულ თუ სხვა ტი­პის თავ­დას­ხმებ­სა, ასე­ვე სხვა მავ­ნე მოქ­მე­დე­ბებს, რაც ქვეყ­ნის ინფრას­ტრუქ­ტუ­რას ან სა­ზო­გა­დო­ე­ბას აზი­ა­ნებს, თუმ­ცა მათი ორ­გა­ნი­ზა­ტო­რე­ბის ვი­ნა­ო­ბის დად­გე­ნა რთუ­ლია. ასე­თი ოპე­რა­ცი­ე­ბი ხში­რად ისე იგეგ­მე­ბა, რომ პა­სუ­ხის­მგებ­ლო­ბის უარ­ყო­ფა შე­საძ­ლე­ბე­ლი იყოს და და­სავ­ლე­თის ქვეყ­ნებს სა­პა­სუ­ხო სამ­ხედ­რო მოქ­მე­დე­ბე­ბის და­წყე­ბის სა­ფუძ­ვე­ლი არ მი­ე­ცეთ.

5 ოქ­ტომ­ბრის სა­ღა­მოს მდგო­მა­რე­ო­ბით, არ არ­სე­ბობ­და მყა­რი მტკი­ცე­ბუ­ლე­ბა, რო­მე­ლიც ავი­ა­კომ­პა­ნი­ე­ბი­სა და აე­რო­პორ­ტე­ბის წი­ნა­აღ­მდეგ მი­მარ­თულ მუ­ქა­რებს რუ­სეთ­თან, ირან­თან ან მათ­თან და­კავ­ში­რე­ბულ ჯგუ­ფებ­თან და­ა­კავ­ში­რებ­და.

ერთ-ერთი სა­ყუ­რა­დღე­ბო შემ­თხვე­ვა რომ­ში და­ფიქ­სირ­და. ხუთ­შა­ბათს დი­ლით, რო­მის აე­რო­პორ­ტის ად­მი­ნის­ტრა­ცი­ამ ელექტრო­ნუ­ლი ფოს­ტით მუ­ქა­რის შემ­ცვე­ლი წე­რი­ლი მი­ი­ღო, რომ­ლის ავ­ტო­რე­ბიც სა­კუ­თარ თავს “მა­მა­კაც­თა სა­ხელ­მწი­ფოს მებ­რძო­ლებს“ უწო­დებ­დნენ.

ეს სა­ხელ­წო­დე­ბა, სა­ვა­რა­უ­დოდ, რუ­სულ ულტრა­მე­მარ­ჯვე­ნე დაჯ­გუ­ფე­ბა “მუჟს­კოი ლე­გი­ონს“ ანუ “მა­მა­კაც­თა ლე­გი­ონს“ უკავ­შირ­დე­ბა. ჯგუ­ფი იმ­დე­ნად ექ­სტრე­მის­ტუ­ლი შე­ხე­დუ­ლე­ბე­ბით გა­მო­ირ­ჩე­ო­და, რომ მოს­კო­ვის სა­სა­მარ­თლომ 2021 წელს აკ­რძა­ლა. მი­უ­ხე­და­ვად ამი­სა, Telegram-ზე ათი­ა­თა­სო­ბით მიმ­დე­ვა­რი ჰყავ­და და 2022 წელს რუ­სე­თის მიერ უკ­რა­ი­ნა­ში სრულ­მას­შტა­ბი­ან შეჭ­რას ღიად უჭერ­და მხარს.

ამ ეტაპ­ზე სა­მარ­თალ­დამ­ცვე­ლე­ბი­სა და აე­რო­პორ­ტე­ბის ად­მი­ნის­ტრა­ცი­ე­ბის მთა­ვა­რი ამო­ცა­ნა არა სა­ვა­რა­უ­დო დამ­ნა­შა­ვის ამოც­ნო­ბა, არა­მედ რე­ა­ლუ­რი მტკი­ცე­ბუ­ლე­ბე­ბის მო­ძი­ე­ბაა. მათ უნდა და­ად­გი­ნონ, ვინ ავ­რცე­ლებს ცრუ მუ­ქა­რებს, რა მიზ­ნით აკე­თებს ამას და რო­გორ შე­იძ­ლე­ბა მსგავ­სი შემ­თხვე­ვე­ბის გან­მე­ო­რე­ბი­სას მათი გავ­ლე­ნის შემ­ცი­რე­ბა.