სისხლიანი დაპირისპირება ლაგოდეხში – შერეული საბრძოლო ხელოვნების (MMA) მებრძოლი, 22 წლის ვალერი ყოჩიაშვილი დანით დაჭრეს.
ინფორმაციას მთავარი ამბები კახეთიდან ავრცელებს.
გამოცემის ცნობით, შემთხვევა რამდენიმე დღის წინ მოხდა. სპორტსმენი, ლაგოდეხში სუფრასთან იმყოფებოდა, სადაც დაპირისპირებული მხარეების გაშველებას ცდილობდა.
მას ცივი იარაღით მუცლის არეში დაზიანება მიაყენეს. დაშავებულს ქირურგიული ოპერაცია ლაგოდეხის კლინიკაში ჩაუტარდა.
ექიმების ინფორმაციით, პაციენტის ჯანმრთელობის მდგომარეობა დამაკმაყოფილებელია და მისი გაწერა იგეგმება.
შემთხვევასთან დაკავშირებით დაწყებულია გამოძიება.