შუა დერეფნის კონცეფცია ძალიან მნიშვნელოვანია არა მხოლოდ საქართველოსთვის, არამედ მთლიანად ევროპისთვის, აზიისთვის და ამ კონცეფციას გაცილებით უფრო დიდი მნიშვნელობა გააჩნია, ვიდრე შეიძლება, ეს ერთი შეხედვით ჩანდეს, – ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, რატი იონათამიშვილმა განაცხადა.
მისი თქმით, ვისაც აზიასთან ევროპის უკეთესი ხვალინდელი დღე, ენერგოუსაფრთხოება და სავაჭრო ურთიერთობები უნდა, მათთვის საქართველო ამ ყველაფრის ერთ-ერთი ცენტრია.
უცხო ქვეყნის წარმომადგენლების მხრიდან როდესაც ხელისუფლების გამიჯვნა ხდება, ეს საბჭოთა მეთოდებია. სამწუხაროდ, საქართველოს წინააღმდეგ სწორედ ის ევრობიუროკრატები გამოირჩევიან, რომლებიც საბჭოთა ქვეყნებში დაიბადნენ. შუა დერეფნის კონცეფცია ძალიან მნიშვნელოვანია არა მხოლოდ საქართველოსთვის, არამედ მთლიანად ევროპისთვის, აზიისთვის და ამ კონცეფციას გაცილებით უფრო დიდი მნიშვნელობა გააჩნია, ვიდრე შეიძლება, ეს ერთი შეხედვით ჩანდეს. ვისაც აზიასთან ევროპის უკეთესი ხვალინდელი დღე, ენერგოუსაფრთხოება და სავაჭრო ურთიერთობები უნდა, რა თქმა უნდა, მათთვის საქართველო ამ ყველაფრის ერთ-ერთი შემადგენელი არა მხოლოდ ადგილი, არამედ ცენტრია. აქედან გამომდინარე ვხედავთ, რომ ეს ბიუროკრატები, ასეთი დამოკიდებულებებით და განცხადებებით ზუსტად ამ უკეთეს ხვალინდელ დღეს და საერთოდ კეთილდღეობას უშლიან ხელს“, – განაცხადა რატი იონათამიშვილმა.