სასამართლო სისტემის სათავეში მყოფი პირების შემოწმება უცხოელი ექსპერტების გადამწყვეტი მონაწილეობით – ეს ევროკომისიის 2026 წლის ანგარიშის ერთ-ერთი მოთხოვნაა.
ბრიუსელი საქართველოს მოუწოდებს, შექმნას კეთილსინდისიერების საგანგებო შემოწმების მექანიზმი, სადაც უცხოელებს ექნებათ არა უბრალოდ დამკვირვებლის, არამედ გადამწყვეტი ხმის უფლება, თუ ვინ უხელმძღვანელებს ქვეყნის სასამართლო ხელისუფლებას.
“წამოიწყეთ სასამართლო სისტემის უფრო ფართომასშტაბიანი რეფორმა, კერძოდ, იუსტიციის უმაღლესი საბჭოს (HCJ) რეფორმირება ვენეციის კომისიის რეკომენდაციების შესაბამისად – მათ შორის, მისი წევრების ხელახლა დანიშვნის შეზღუდვების მოგვარებით (კერძოდ, ფიქსირებული, ვადის გაგრძელების უფლების გარეშე მოქმედი უფლებამოსილების დაწესების გზით). გარდა ამისა, დანერგეთ კეთილსინდისიერების საგანგებო შემოწმების (ე.წ. ვეთინგის) სისტემა პროცესში საერთაშორისო ექსპერტების გადამწყვეტი როლით – როგორც კანდიდატებისთვის, ასევე სასამართლო სისტემის ყველა ხელმძღვანელ თანამდებობაზე უკვე დანიშნული პირებისთვის, კერძოდ, იუსტიციის უმაღლესი საბჭოს/უზენაესი სასამართლოს თავმჯდომარისა და საერთო სასამართლოების თავმჯდომარეებისთვის”, – ვკითხულობთ ანგარიშში.