ოპოზიციური ალიანსის წევრი პარტიებისა და „ჯერ საქართველოს“ წარმომადგენლებმა დიპლომატიური კორპუსისა და საერთაშორისო ორგანიზაციების წარმომადგენლებთან შეხვედრა გამართეს. შეხვედრაზე მხარეებმა პარტიების შესაძლო აკრძალვის საკითხი, ქვეყანაში მიმდინარე პოლიტიკური პროცესები და ამ გადაწყვეტილების მოსალოდნელი შედეგები განიხილეს. როგორც „ახალის“ თანათავმჯდომარემ, ნიკა გვარამიამ განაცხადა, შეხვედრაზე მხარეებმა საკუთარი პოზიციები და მოსაზრებები ერთმანეთს გაუზიარეს.
“როგორ ვუყურებთ ჩვენ მიმდინარე პროცესს და ჩვენი აზრით რას გამოიწვევს გადაწყვეტილება პარტიების აკრძალვის შესახებ – ეს პოზიციები გავცვალეთ” – ახალის თანათავმჯდომარე, ნიკა გვარამია დიპლომატიურ კორპუსთან და საერთაშორისო ორგანიზაციების წარმომდგენლებთან შეხვედრის შემდეგ
ოპოზიციის ალიანსში შემავალი პარტიების: ახალის, გირჩი – მეტი თავისუფლების, დროას, ფედერალისტების, თავისუფლების მოედანის, ევროპული საქართველოს, სტრატეგია აღმაშენებელის და ედპ-ს, ასევე ჯერ საქართველოს წარმომადგენლები დიპლომატიურ კორპუსსა და საერთაშორისო ორგანიზაციების წარმომადგენლებს შეხვდნენ, შეხვედრის თემა პარტიების აკრძალვა იყო.
იხილეთ ვიდეო…