წნორში წყალი ტექნიკურ წყლად გამოცხადდა — მოსახლეობა დახმარებას ითხოვს.
“გამარჯობა, გწერთ ქალაქ წნორიდან. გუშინ მოსახლეობას სმს მიუვიდა რომ აქამდე 24 საათიანი სუფთა წყალი რომელიც მიეწოდებოდა მოსახლეობას გუშინ გამოცხადდა ტექნიკურ წყლად და აღარ უნდა დაგველია. მაგრამ უკვე დიდი ხანია წყალს აქვს საშინელი ქლორის სუნი და გემო.. სიღნაღის საკრებულოს წევრმა გააკეთა განცხადება და მის ფბ გვერდის პოსტში ბევრი ადამიანი გამოეხმაურა ბევრი წერდა რომ 2-3 თვეა თურმე ასეა და ხმას არავინ იღებს. წყალმომარაგების თანამშრომლებიც თურმე ამ წყალს დიდი ხანია არ სვამენ ჩვენ კიდევ გვწამლავენ პატარებიც ამ წყალს სვამენ. გთხოვთ გააგონოთ ჩვენი ხმა ფართო მასშტაბებს. ამათი დასჯის იმედი არ მაქვს მაგრამ მიემატება კიდევ ამ მთავრობის ბინძურ საქმეებს და ხალხის დაკიდების კიდევ ერთი მასტერკლასი ჩაიწერება მათ რიგებში როცა საბოლოოდ გაა**ამენ ამ ქვეყნიდან…“ – ამბობს ადგილობრივი მთავართან.
“გამარჯობათ, გთხოვთ დაგვეხმარეთ. კახეთში, კერძოდ ქიზიყში წყალმომარაგების კომპანია თურმე 2 თვე ტექნიკურ წყალს ასმევს მოსახლეობას. დღეს გავიგეთ ჩვენ. ისევ თქვენი ჩართულობით თუ გადაგვარჩენთ. ამ წყალს ჩემი შვილიც სვავდა და სხვა პატარა ბავშვები“ – ამბობს ადგილობრივი მთავართან.
“მოგესალმებით მეგობრებო, წნორის მოსახლეობის საყურადღებოდ: როგორც მოგეხსენებათ ქ.წნორის მოსახლეობა და ასევე სოფ. ბოდბისხევის და საქობოს მოსახლეობის ნაწილი წლების განმავლობაში ვსარგებლობთ საქართველოს წყალმომარაგების კომპანიის მიერ 24 საათიანი წყალმომარაგებით. ამავე კომპანიის მიერ მოწოდებული ინფორმაციის საფუძველზე გაცნობებთ, რომ დღეიდან ლაბორატორიული შემოწმების შედეგად წყლის ხარისხი გამოცხადებულია როგორც ტექნიკური წყალი. არსებული ვითარება არის დროებითი და გამოსწორებისთანავე გაცნობებთ“ – წერს საკრებულოს წევრი თემურ ჯავაშვილი სოციალურ ქსელში.