მსოფლიო ბირჟებზე ოქროს და ვერცხლის ფასი მცირდება. თბილისის დროით 12:30 საათისთვის 1 უნცია (ცნობისთვის, ტრუას უნცია დაახლოებით, 31 გრამია) 4 049 დოლარი ღირს. ეს კი დღიურ ჭრილში ძვირფასი ლითონის ფასის 0.27%-იანი კლებაა.
ამასთან, მსოფლიო ბირჟებზე გრამი ოქროს ფასი 130.2 აშშ დოლარს შეადგენს, რაც დღიურ ჭრილში 0.27%-ით შემცირებული მაჩვენებელია.
რაც შეეხება ვერცხლს, ამ დროისთვის ერთი უნციის ღირებულება 54.02 დოლარია, რაც ერთდღიან ჭრილში 0.79%-ით შემცირებული ფასია.
რა ღირს გრამი ოქრო საქართველოში?
რაც შეეხება საქართველოს, 28 ოქტომბრის მონაცემებით, ოქროს ფასი დაკლებულია. ამ დროისთვის, 1 გრამი 999 სინჯის ოქროს ფასი საქართველოში საშუალოდ, 314.89 ლარია, 750 სინჯის – 236.19 ლარი, ხოლო 585-სინჯიანი ძვირფასი ლითონი 184.23 ლარი.
რაც შეეხება ვერცხლს, ოქტომბრის მონაცემებით, 1 გრამი 999 სინჯის ვერცხლი 3.69 ლარი ღირს, ხოლო 875 სინჯის ძვირფასი ლითონის ფასი 3.23 ლარია.