ხმების 57%-ის დათვლის შედეგებით, ბენიამინ ნეთანიაჰუს მხარდამჭერ ბლოკს ქნესეთში 55 ადგილის დაკავება შეუძლია, ოპოზიციას 49 ადგილის, არაბულ პარტიებს კი – 16.
სამი პარტია 3.25%-იანი ბარიერის ქვეშ მოხვდა.
ხმების დათვლა გრძელდება.
ისრაელის მოქმედი პრემიერმინისტრი და პარტია ლიქუდის ლიდერი ბენიამინ ნეთანიაჰუც და მისი ოპონენტიც, პარტია იაშარის ლიდერი, გადი აიზენკოტი, რომელიც ოპოზიციის ბლოკს მეთაურობს, ამომრჩევლებს მთავრობის ფორმირებას ჰპირდებიან. თუმცა ამჟამინდელი მონაცემებით, ეს შეუძლებელია.
ისრაელში მთავრობის ფორმირებისთვის ქნესეთის 120 ადგილიდან 61 მანდატი არის საჭირო. ამჟამინდელი მონაცემებით, მთავრობის ფორმირება მხოლოდ იმ შემთხვევაში იქნება შესაძლებელი, თუ ერთ-ერთი ბლოკი წინასაარჩევნო პირობას დაარღვევს და ალიანსს არაბულ პარტიებთან შეკრავს.