საკონსტიტუციო სარჩელში, “ქართული ოცნებას” “ნაციონალური მოძრაობის” წინააღმდეგ ზურაბ ჟვანიას მკვლელობის საქმე აქვს შეტანილი.
საკონსტიტუციო სასამართლოში მიმდინარე სხდომაზე ანი წითლიძემ დასვა კითხვა, მაშინ როცა ” ქართული ოცნების” ხელახალმა გამოძიებამ კავშირი ვერ იპოვა ზურა ჟვანიას მკვლელობასა და ენმ-ს შორის, რა სამართლებრივი ლოგიკით შეიტანა “ოცნებამ” ეს საქმე სარჩელში?
წითლიძის თქმით, თავად ” ქართული ოცნების” გამოძიებამ ვერ დაადგინა კავშირი ზურაბ ჟვანიას მკვლელობასა და “ნაციონალურ მოძრაობას” შორის.
“მოსარჩელე მხარეს კოლექტიური პასუხისმგებლობის და ნაციონალური მოძრაობის აკრძალვის კიდევ ერთ საფუძვლად შემოაქვს 2005 წლის ტრაგიკული მოვლენა – პრემიერ-მინისტრის, ზურაბ ჟვანიას ტრაგიკულად გარდაცვალების საქმე.
მოსარჩელე მხარე ამტკიცებს, რომ “წინა ხელისუფლების პირობებში საქმის გამოძიებისას მთელი რიგიო საკითხები არ გამოკვლელულა და მტკიცებულებები არ დართულა საქმეს. “ქართული ოცნება” ხელისუფლებაში მოვიდა დაპირებით, რომ ამ საქმეს ხელახლა
გამოიძიებდა. მე შევახსენებ ფრაზებს “სააკაშვილმა საფერფლე ესროლა ზურაბ ჟვანიას” – ამას ციტირებენ “ოცნების” ლიდერები. ქართული ოცნება გვპირდებოდა, რომ სიმართლეს დაადგენდა. მათ დაიწყეს გამოძიება, რომლსიფ არგლებშიც დააკავეს ექსპერტი ლევან
ჩიჩუა, რომელსაც ბრალად ედებოდა სამსახურეობრივი გულგრილობა ჟვანიას ცხედრის დათვალიერებისას. და რა მოხდა რეალურად პატივცემულო მოსამართლეებო? სწორედ “ოცნების” პირობებში სასამართლომ ლევან ჩიჩუა ამ საქმეში სრულად გაამართლა. ახლა მინდა
მივმართო მოსამარჩელეს: თქვენივე მმართველობის პირობებში, თქვენივე პროკურატურის მიერ წარმოებული ხელახალი გამოძიებსი ფარგლებში, ერთიანი ნაციონალური მოძრაობის რომელიმე წევრს ან ლიდერს აქვს ბრალი წაყენებული ზურაბ ჟვანიას მკვლელობაზე? არა.
აქ კონსტიტუციური მართლმსაჯულების დარბაზში პარტიების აკრძალვის საკითხი უნდა ეფუძნებოდეს უტყუარ სამართლოებრივ ფაქტებს და არა პოლიტიკურ მითებს და ჭორაობას. თუ “ოცნების” ხელახალმა გამოძიებამ ვერავითარი კავშირი ვერ იპოვა ზურა ჟვანიას
მკვლელობასა და ერთიან ნაციონალურ მოძრაობას შორის, ვერ დაადგინა ეს კავშირი, რა სამართლებრივი ლოგიკით არის ეს საქმე ე.წ. სისტემურ დანაშაულებებში ერთიანი ნაციონალური მოძრაობის წინააღმდეგ?” – ამბობს ანა წითლიძე.
ყოფილი პრემიერ-მინისტრის, ზურაბ ჟვანიასა და რაულ უსუპოვის საქმეზე ხელახალი გამოძიება 2014 წლის მარტში დაიწყო.
2014 წლის მარტში სამსახურებრივი გულგრილობის ბრალდებით დააკავეს ზურაბ ჟვანიას დაცვის ცვლის უფროსი მიხეილ ძაძამია და ექსპერტიზის ეროვნული ბიუროს ყოფილი ხელმძღვანელი ლევან ჩაჩუა, მოგვიანებით კი ბრალი წაუყენეს დაცვის წევრს, კობა ხარშილაძეს.
ექსპერტი ლევან ჩაჩუა სასამართლომ უდანაშაულოდ ცნო.
საქართველოს ყოფილი პრემიერი 2005 წლის 3 თებერვალს, რაულ უსუპოვთან ერთად, თბილისში, ერთ-ერთ ბინაში გარდაცვლილი იპოვეს.