“ოპოზიციური პარტიების აკრძალვის მერე ვერავის დააბრალებ უსუსურობას.
დიქტატურაში ახალი პარტიის დაბადებას დიდი ალბათობით ვერც მოესწრებით.
რაც ისტორია გვეგონა, რეალობა გახდა!
ქვეყნის ღალატი პირდაპირ ეთერში!” |წერს მსახიობი კახა კინწურაშვილი სოციალურ ქსელში.
საკონსტიტუციო სასამართლოში პოლიტიკური პარტიების აკრძალვაზე სახელისუფლო გუნდის სარჩელის განხილვა დაიწყო. საქმეს საკონსტიტუციო სასამართლოს შვიდი მოსამართლის შემადგენლობით პლენუმი იხილავს.
საკონსტიტუციო სასამართლოში წარდგენილ სარჩელს პარლამენტის 88 წევრი აწერს ხელს. მათი სარჩელის საფუძველზე სასამართლოს დღის წესრიგში შემდეგი პოლიტიკური გაერთიანებების არაკონსტიტუციურად ცნობის საკითხი დგას: – “ერთიანობა − ნაციონალური მოძრაობა“; “კოალიცია ცვლილებისთვის – გვარამია მელია გირჩი დროა“; “ძლიერი საქართველო − ლელო, ხალხისთვის, თავისუფლებისთვის!“, “ფედერალისტური პარტია“ და პარტია “გახარია საქართველოსთვის“.