გლდანის ციხეში პატიმარმა ორი ბოლტი გადაყლაპა. ინფორმაციას ამის შესახებ ძმები ფეიქრიშვილების დედა ავრცელებს.
ქალის თქმით, გლდანის ციხეში მყოფი პატიმრები დახმარებას საჭიროებენ, დაწესებულებაში შექმნილი ვითარება კი საგანგაშოა. ის ციხის უფროსის დაუყოვნებლივ გათავისუფლებას ითხოვს და შესაბამის უწყებებს აფრთხილებს, რომ რეაგირების გარეშე მდგომარეობა შესაძლოა მძიმე შედეგებით დასრულდეს.
ერთ-ერთმა პატიმარმა, ლაშა ლაბაძემ, გადაყლაპა ორი ბოლტი და მე ამას ვაჟღერებ იმიტომ, რომ არ შემიძლია, ეს დავმალო. მისახედია ეს ბავშვი. ყველა ადამიანი, ვინც ამ ციხეშია, ყველა მისახედია. სასწრაფო წესით გადააყენონ ეს ციხის უფროსი “ზაუტაა” თუ რა ზედმეტი სახელია, ეს “ზაუტა” თუ არ მოაშორეთ, თუ არ მოაცილეთ ციხეს, ცუდი რამით მორჩება. მე ვეხვეწები , უბრალოდ, ვის კომპეტენციაშიც ეს შედის, რომ დაეხმარეთ პატიმრებს, – ამბობს ფეიქრიშვილების დედა.