სპეციალური პენიტენციური სამსახური კატეგორიულად უარყოფს ბრალდებულ დავით ფეიქრიშვილთან დაკავშირებით გავრცელებულ ინფორმაციას, თითქოს ის ნაცემია.
ინფორმაციის გადამოწმებისას, უწყებაში “პრაიმტაიმს” უპასუხეს, რომ ეს არის სიცრუე, ხოლო რაც შეეხება ბრალდებულის დედის მოთხოვნას შვილთან შეხვედრის შესახებ, პენიტენციურ სამსახურში განმარტავენ, რომ პროკურატურის მიერ, გამოძიების ინტერესებიდან გამომდინარე, ბრალდებულს პაემნით სარგებლობა აკრძალული აქვს.
მიუხედავად აღნიშნული შეზღუდვისა, ბოლო პერიოდში დავით ფეიქრიშვილთან დაკავშირებით გავრცელებული არასწორი ინფორმაციისა და მისი ოჯახის ინტერესების გათვალისწინებით, სპეციალურმა პენიტენციურმა სამსახურმა საგამოძიებო ორგანოს შუამდგომლობით მიმართა და შედეგად, ბრალდებულს ერთჯერადად სატელეფონო ზარით სარგებლობის უფლება მიეცა.
ცნობისთვის, დიდი ოდენობით ფულის გათეთრების, გამოძალვის და ძალადობის ბრალდებით დაკავებული, ძმები ფეიქრიშვილების დედა ამბობს, რომ მის შვილებს ციხეში სცემეს. აბრამიშივლის თქმით, ის გლდანის ციხესთან იმყოფება და შვილებთან შეხვედრას ითხოვს.