ვაჟთა გუნდი „მძლევარი“ ტრიუმფალური გამარჯვებით ბრუნდება პოლონეთიდან თბილისში.
გუნდმა მონაწილეობა მიიღო საკონკურსო ფესტივალში Gaude Cantem და განსაკუთრებულ წარმატებას მიაღწია.
ფესტივალში მონაწილე 28 გუნდს შორის, გუნდი „მძლევარი“ დაჯილდოვდა პირველი ადგილითა და ოქროს დიპლომით – კამერული გუნდების კატეგორიაში, ოქროს დიპლომით – ერთგვაროვანი გუნდების კატეგორიაში და სპეციალური პრიზითა და დიპლომით – ქართული მუსიკის პოპულარიზაციისთვის.
გამარჯვებული გუნდი თბილისში 22 ოქტომბერს დაბრუნდება.