ალეკო ელისაშვილის საქმეს სუს-ის ექს-შეფის, ანრი ოხანაშვილის ყოფილი მრჩეველი განიხილავს – ლავრენტი მაღლაკელიძე სააპელაციო სასამართლოს იმ კოლეგიის თვამჯდომარეა, რომელიც ამ წუთებში, პოლიტიკოსისთვის მისჯილი 13 წლიანი პატიმრობის გადახედვას იწყებს.
მოსამართლეთა კოლეგიაში ასევე არიან თეა ლეონიძე და პაატა სილაგაძე.
როგორც ადგილიდან “ტვ პირველის” კორესპოდენტი იუწყება, ელისაშვილის ადვოკატებმა სხდომაზე ლავრენტი მაღალაკელიძის აცილება მოითხოვეს, თუმცა აცილების შუამდგომლობა არ დაკმაყოფილდა, მიზეზად უსაფუძვლო არგუმე. კოლეგიის გადაწყვეტილება მოსმართლე თეა ლეონიძემ გამოაცხადა.
სხდომას ესწრება თავად მსჯავრდებული პოლიტიკოსი – ალეკო ელისაშვილი რუსთავის ყველაზე მკაცრი ციხიდან სასამართლოში ბადრაგებმა მიიყვანეს.
ოპოზიციონერი პოლიტიკოსი ალეკო ელისაშვილი დამნაშავედ არის ცნობილი ტერორიზმის მცდელობაში და 13 წლით პატიმრობა აქვს მისჯილი. გადაწყვეტილება 10 ივლისს მოსამართლე გიორგი გელაშვილმა გამოაცხადა.