“სრული უტიფრობა” უწოდეს პარტია” გახარია-საქართველოსთვის” წევრებმა ირაკლი კობახიძის განცხადებას, რომელმაც დღეს 12 ოქტომბერს გიორგი გახარიაზე საუბრისას კორუფციაზე მიანიშნა.
ბერდია სიჭინავა კობახიძეს ურჩევს “საკუთარ თავზე იფიქროს და იმ კორუფციულ სინდიკატზე, რომელსაც წარმოადგენს კობახიძის დაჯგუფება”.
“ეს არის სრული უტიფრობა, რასაც ირაკლი კობახიძე აცხადებს! არანაირ კორუფციასთან, არასდროს, გიორგი გახარიას და მის პოლიტიკურ გუნდს კავშირი არასდროს ჰქონია. ახლა რატომ გაახსენდათ იცით? ვერაფრით რომ ვერ დააზიანეს გიორგი გახარია პოლიტიკურად, თავიდან ბოლომდე რომ არიან „ქოლ-ცენტრებში“ თავით გაჩურთულები, პარტიულ სალაროს როგორ ატრიალებენ, როგორ აგროვებენ ბინებს, უძრავ ქონებებს, საზღვარგარეთ სახლებს, ახლა გიორგი გახარია გაახსენდათ – რეპუტაციული შებღალვა ხომ არ აწყობთ? რა შეიძლება უპოვონ გიორგი გახარიას, ჩხოროწყუში აშენებული ხის სახლი? ეს არის, რასაც გიორგი გახარიას ედავებიან? ირაკლი კობახიძემ საკუთარ თავზე იფიქროს და იმ კორუფციულ სინდიკატზე, რომელსაც წარმოადგენს კალაძის დაჯგუფება. თუ კიდევ ერთხელ გაბედავენ ამ საქმესთან დაკავშირებითაც რამე ფორმით სისხლისსამართლებრივი დევნის დაწყებას, მართლა ჩამოენგრევათ თავზე მთელი ის კორუფციული სინდიკატი, რომელზეც დგანან და რომლითაც იკვებებიან.” – აცხადებს ბერდია სიჭინავა.
ირაკლი კობახიძემ დღეს გამართულ ბრიფინგზე გიორგი გახარიაზეც ისაუბრა და თქვა, რომ წლების წინ, გახარიაზე “ჭორაობდნენ, რომ საკუთარი აგრალული ბიზნესი მოიწყო სამეგრელოსა და შიდა ქართლში”, თუმცა “ქართული ოცნების” ლიდერის თქმით, ეს არ იყო სისტემური კორუფცია და საქმე „ქართულ-ჯიგრულ პონტში“ არსებულ შემთხვევებთან გვაქვს.