ხელისუფლებაა დამნაშავე ევროკავშირთან გაფუჭებულ ურთიერთობებზე, შეჩერებულ ევროინტეგრაციასა და პარტნიორულ ურთიერთობებზე, – ამის შესახებ საპარლამენტო ფრაქცია „საქართველოსთვის“ თავმჯდომარემ, შალვა კერესელიძემ განაცხადა.
მისი თქმით, ქვეყანა თუ მიდის დემოკრატიისკენ და აქვს ევროინტეგრაციის სურვილი, წარმოუდგენელია, დევნო განსხვავებული აზრი, აკრძალო პოლიტიკური პარტიები, გყავდეს პოლიტიკური პატიმრები.
„ის, რომ ევროკავშირში საქართველოს მიმართ განწყობები და დამოკიდებულება არ არის ისეთი, როგორიც უნდა იყოს, აქამდეც ვიცოდით. ამ კუთხით პასუხისმგებლობა 100%-ით მმართველ გუნდს და ხელისუფლებას ეკისრება. ხელისუფლებაა დამნაშავე ევროკავშირთან გაფუჭებულ ურთიერთობებზე, შეჩერებულ ევროინტეგრაციასა და პარტნიორულ ურთიერთობებზე. თუ მივდივართ დემოკრატიისკენ და გვაქვს ევროინტეგრაციის სურვილი, წარმოუდგენელია, დევნო სახელმწიფოში განსხვავებული აზრი, აკრძალო პოლიტიკური პარტიები, გყავდეს ახალგაზრდა პოლიტიკური პატიმრები და ა.შ. მიდგომა უნდა შეიცვალოს, უნდა შეიცვალოს დამოკიდებულება, პოლიტიკა, მაგრამ ააქვს „ქართულ ოცნებას“ ამის შესაძლებლობა და სურვილი? შესწევს ამის უნარი? ვფიქრობ, არ შესწევს. საკუთარი ძალაუფლების შენარჩუნების და კორუფციული გავლენების შენარჩუნების მიზნით ყველაფერი გააკეთეს, მათ შორის, ზურგი შეაქციეს და გააფუჭეს სტრატეგიული ურთიერთობები პარტნიორ სახელმწიფოებთან, პარტნიორ სახელმწიფოებთან, რომლებიც იყვნენ ჩვენი ქვეყნის განვითარების და ტერიტორიული ერთიანობის შენარჩუნების გარანტი. არასდროს დავრჩენილვართ მარტო ოკუპანტი რუსეთის ფედერაციის წინაშე, მაგრამ ეს ურთიერთობები, სამწუხაროდ, ბოლო წლების განმავლობაში, დაამსხვრიეს და გააფუჭეს“, – განაცხადა შალვა კერესელიძემ.