ირაკლი კობახიძისგან განსხვავებით, “ქართული ოცნების” დეპუტატი, შოთა ხაბარელი ამბობს, რომ კორუფცია სისტემაში ირაკლი ღარიბაშვილამდეც იყო და ახლაც არის.
“ტვ პირველის” ჟურნალისტმა დღეს შოთა ხაბარელს ჰკითხა, რატომ არ ასრულებდა პარლამენტი საზედამხედველო ფუნქციას, მათ შორის იმ პერიოდში, როცა ირაკლი კობახიძე პარლამენტში იყო, ღარიბაშვილი კი პრემიერის თანამდებობას იკავებდა.
“ეს არ არის პარლამენტის პრეროგატივა” – ამბობს ხაბარელი.
“პრობლემა ყოველთვის იყო (კორუფცია) ორი წლის წინაც, დღესაც, კორუფცია არის ყოველთვის ცუდი. პარლამენტი რა შუაშია? (კითხვა – საზედამხედველო ფუნქცია რომ გაქვთ არ იცით?) კი ძალიან კარგად ვიცით. მარტო ირაკლი ღარიბაშვილი არ არის, იქ ბევრი არის, დაბლა ჩადით და ნახავთ რამდენი ადამიანია. კორუფცია ყოველთვსი ძალიან ცუდია. ყოველთვის იყო ბრძოლა კორუფციის წინააღმდეგ. ეს არ არის პარლამენტის პრეროგატივა. ძალიან კარგად ვიცი ახლა, რა ფუნქცია აქვს პარლამენტს”. – აცხადებს შოთა ხაბარელი.