დღეს ფშავში, სოფელი კანატიასთან ხიდი ჩაინგრა და მანქანა მდინარეში ჩავარდა. დაშავდა მანქანის მძღოლი
“მამაჩემი ხის ხიდიდან არაგვში ჩავარდა მანქანით. მდინარეში, სადაც ერთი შეცდომა, ერთი ფეხის დაცდენა ან ერთი წამი შეიძლება სიცოცხლის ფასად დაგიჯდეს. მამაჩემი გადარჩა – სასწაულებრივად.
მაგრამ ახლა ყველაზე მეტად ერთი კითხვა მაწუხებს:
რამდენი ადამიანი უნდა ჩავარდეს ამ მდინარეში, რამდენი ოჯახი უნდა შეშინდეს და რამდენი სიცოცხლე უნდა დადგეს საფრთხის წინაშე, რომ პასუხისმგებელმა პირებმა იმოქმედონ?
მივმართავ ხელისუფლებას, ადგილობრივ მუნიციპალიტეტს და ყველა იმ უწყებას, ვისაც ამ ხიდის მდგომარეობაზე პასუხისმგებლობა ეკისრება:
ნუ დაელოდებით სიკვდილს, რომ პრობლემა დაინახოთ.
ხიდი, რომლითაც ადამიანები ყოველდღიურად გადაადგილდებიან, უნდა იყოს უსაფრთხო. ეს არ არის ფუფუნება — ეს არის ადამიანის სიცოცხლის ელემენტარული დაცვა.
დღეს ჩემი მამა ცოცხალია და ამისთვის ღმერთს მადლობას ვუხდი.
მაგრამ მე არ მინდა, რომ ოდესმე სხვა ოჯახმა დაწეროს ასეთი პოსტი და თქვას:
„ჩემი ოჯახის წევრი ვეღარ გადავარჩინეთ.“
გთხოვთ, იმოქმედეთ ახლა – სანამ კიდევ ერთი სიცოცხლე არ დაიკარგა.
ადამიანის სიცოცხლეს ფასი აქვს. ნუ დაველოდებით ტრაგედიას.“ – წერს გადარჩენილი მძღოლის შვილი