„არ გავწირავთ შვილებს მოწამვლისთვის! ჯანსაღი გარემო ჩვენი ბავშვების უფლებაა – შეწყდეს დაპირებები, დაიხუროს ლილოს ნაგავსაყრელი!“ – მაუწყებლის ინფორმაციით, ლილოს დასახლებაში მცხოვრებლები პროტესტის ნიშნად ბავშვებს სკოლაში 1 კვირით არ გაუშვებენ. ნასაგურისა და დიდი ლილოს დასახლებების მოსახლეობა ამბობს, რომ ნაგავსაყრელიდან მომდინარე მომწამვლელი სუნი აბინძურებს ჰაერს, წყალს და საფრთხეს უქმნის მოსახლეობის ჯანმრთელობას.
მოსახლეობა ითხოვს:
დაუყოვნებლივ: სუნისა და ტოქსიკური ნივთიერებების შეჩერება, გაზშემკრები და წყლის გამწმენდი სისტემების სასწრაფო ამოქმედება
შუალედურად: არსებული ნაგავსაყრელის სრული დაკონსერვება
საბოლოოდ: თბილისის ნარჩენების პოლიგონის საბოლოო დახურვის მკაფიო გრაფიკის დადგენა.