რუსეთის უშიშროების საბჭოს თავმჯდომარის მოადგილემ, დმიტრი მედვედევმა ირანის სამთავრობო ტელევიზიას ინტერვიუ მისცა. ინტერვიუში მან თქვა, საქართველოსა და NATO-ზეც ისაუბრა და სომხეთს დაემუქრა.
“მეგობრული ურთიერთობების პოლიტიკის გაგრძელებას, ცენტრალური აზიისა და კავკასიის ქვეყნებთან კეთილგანწყობილი, მეგობრული კავშირების ჩამოყალიბებას. ჩვენ მათთან ერთად ერთ ქვეყანაში დიდხანს ვცხოვრობდით. ახლაც ვცდილობთ, ვიმეგობროთ, განვავითაროთ ეკონომიკური პარტნიორობა, შევქმენით ინტეგრაციული გაერთიანება. ასე რომ, მე აქ განსაკუთრებულ პრობლემებს ვერ ვხედავ.
რაც შეეხება კავკასიას, დიახ, გარკვეული სახელმწიფოები ახლა ცდილობენ იქ რაღაც აყალმაყალი შექმნან. მიისწრაფიან სამხრეთ კავკასიის ქვეყნების განხეთქილებისკენ. ეს სიმართლეა. ამას ფრთხილად ვაკვირდებით.
შეხედეთ. თავდაპირველად დასავლეთის სამყარომ საქართველოს NATO-ში შესვლა შესთავაზა. ამისგან არაფერი კარგი არ გამოვიდა. საქართველო კვლავ არ არის NATO-ს წევრი. მის ამჟამინდელ ხელისუფლებას ესმის, რომ ეს, როგორც ჩანს, არასწორი მიდგომა იყო. ამ ყველაფერმა საქმე მიიყვანა კონფლიქტამდე. ამჟამად ცდიან სომხეთთან ჩვენი ურთიერთობის სიმტკიცეს. სომხეთის ამჟამინდელმა ხელისუფლებამ სწორად ჩათვალა, შეეცვალათ საკუთარი განვითარების ვექტორი. მჯერა, რომ ეს ასევე არ მიგვიყვანს არაფერ კარგამდე. ყველაზე საშინელება, რაც სომხეთს შეიძლება დაემართოს, ახალ უკრაინად გადაქცევაა. ეს იმის ილუსტრაციაა, რაზეც უკვე ვილაპარაკეთ. საკუთარ რეგიონულ პრობლემებს თავად გავუმკლავდებით. ჩვენ კავკასიის ნაწილი ვართ. თქვენთან ერთად ვართ კასპიის რეგიონის ნაწილი. არავინ გვჭირდება, რომ ვიმეგობროთ, რომ ვივაჭროთ, რომ განვვითარდეთ.” – უპასუხა მედვედევმა შეკითხვას, როგორ პოლიტიკას გაატარებს რუსეთი სამხრეთ კავკასიასა და ცენტრალურ აზიაში “საკუთარი სტრატეგიული ინტერესების შესანარჩუნებლად”.