„ლიფტი თუ არ აკმაყოფილებს ექსპლუატაციის პირობებს, უნდა დაილუქოს, მაგრამ არჩევნების წინ მაგას არავინ გააკეთებს და იწირება ხალხი“, – ამის შესახებ თბილისის ყოფილმა მთავარმა არქიტექტორმა, კომპანია „არსის“ დამფუძნებელმა ირაკლი როსტომაშვილმა ისაუბრა.
მისი თქმით, თბილისში ლიფტების მნიშვნელოვან ნაწილს ექსპლუატაციის ვადა დიდი ხანია გაუვიდა და პრობლემის მოსაგვარებლად დაზიანებული დეტალების შეკეთება გამოსავალი არ არის.
როგორც ირაკლი როსტომაშვილმა აღნიშნა, აუცილებელია ტექნიკური ინსპექტირება და ვადაგასული ლიფტების სრულად ჩანაცვლება.