მოსკოვის საპატრიარქოს დელეგაცია საქართველოში 28 სექტემბერს ჩამოვიდა. საქართველოს საპატრიარქომ ვიზიტის შესახებ ინფორმაცია 30 სექტემბერს გაავრცელა. ოფიციალური განცხადების მიხედვით, დელეგაციის წევრებმა შიო მესამეს პატრიარქად აღსაყდრება მიულოცეს და რუსეთის პატრიარქის მილოცვა პირადად გადასცეს. საპატრიარქოს ცნობით, მხარეებმა რუსეთ-საქართველოს შორის ურთიერთობებზე ისაუბრეს.
მოსკოვის საპატრიარქო გავრცელებულ განცხადებაში პატრიარქ შიო III-ს სრული ტიტულით არ მოიხსენიებს .
საქართველოში გამართულ ვიზიტთან დაკავშირებით მათ ოფიციალურ ვებგვერდზე ვრცელი განცხადება წერია, სადაც შიო III მოხსენიებულია, როგორც „საქართველოს მართლმადიდებელი ეკლესიის წინამძღვარი, უწმინდესი და უნეტარესი, სრულიად საქართველოს კათოლიკოს-პატრიარქი შიო III”. მისი სრული ტიტული კი ასეთია: უწმიდესი და უნეტარესი შიო III, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი