საქართველოში საწვავი კვლავ გაძვირდა. 1 დღეში ბენზინგასამართი სადგურების ნაწილში ბენზინის ფასი დამატებით კიდევ 10 თეთრამდე გაიზარდა, ხოლო ლიტრი დიზელი 6 თეთრით გაძვირდა.
აღსანიშნავია, რომ საწვავის გაძვირება ეტაპობრივად, დღეებისა და კვირების ინტერვალით ხდებოდა. მხოლოდ სექტემბერში ბენზინის ფასმა 14-31 თეთრით, ხოლო დიზელის ღირებულებამ – 30-52 თეთრით მოიმატა. აგვისტო-სექტემბერში კი ბენზინის ფასი 42 თეთრამდე, დიზელის 91 თეთრამდეა გაზრდილი.
ამასთან, „საქსტატის“ მიერ დღეს გამოქვეყნებული მონაცემების თანახმად, სექტემბერში წლიურ ჭრილში ბენზინი 30.2%-ით; დიზელი – 54.5%-ით; ხოლო გაზის საწვავი – 0.6%-ით არის გაძვირებული.