ერთადერთი შემთხვევა, როცა გვინდა, უკრაინა დამარცხდეს, მათი და ჩვენი მომავალი საფეხბურთო მატჩია… – რას წერს რომან გოცირიძე სოციალურ ქსელში.
“დღემდე არ წყდება უკრაინის და, არა მხოლოდ უკრაინის, სოცმედიის გვერდებზე საქართველო-უკრაინის თამაშის გარშემო საუბარი. მიზეზიც განსაკუთრებულია: ქართველი და უკრაინელი გულშემატკივრების, შეიძლება ითქვას, უპრეცედენტო ქმედება-ქართველები უკრაინას სკანდირებდნენ, უკრაინელები-საქართველოს და ორივე ერთად-პუტინის ნამდვილ სახელს.
ეს სპორტზე მეტი იყო.
მოწინააღმდეგე გუნდების გულშემატკივრების ასეთი მეგობრობა იშვიათი სანახავია. ქართველების მხრიდან უკრაინისადმი ტრადიციულ მხარდაჭერას, ალბათ ისიც დაემატა, რომ ორიოდე დღის წინ უნგრეთში გამართულ მატჩზე, როგორც ფეხბურთელები, ისე მაყურებლები, უკრაინელ ფეხბურთელებს უღირსად მოექცნენ. ქაჯი ორბანის მრავალწლიანი ნაკვალევი ამ ქვეყანას, ალბათ კიდევ დიდხანს გაჰყვება.
უკრაინის გამარჯვება ჩვენი გამარჯვებაა.
ერთადერთი შემთხვევა, როცა გვინდა, უკრაინა დამარცხდეს, მათი და ჩვენი მომავალი საფეხბურთო მატჩია.
მაგრამ ეს უკვე პოლიტიკა აღარ არის. ეს სპორტია. სუფთა სპორტი. :))” – წერს რომან გოცირიძე.