ხმაურიანი შეხვედრა დიდუბის გამგეობაში – 166-ე სკოლის წარმომადგენლები და მოსწავლეების მშობლები ინფასტრუქტურის მინისტრს და განათლების მინისტრის მოადგილეს ხვდებოდნენ. მოთხოვნაა დაუყოვნებლივ დაიწყოს სასწავლო დაწესებულების რეაბილიტაცია. თუმცა შეხვედრიდან გამოსულმა რევაზ სოხაძემ მშობლებს უთხრა, რომ გაზაფხულზე შენობა დაინგრევა. ახალ სკოლას კი რამდენიმე წელი უნდა ელოდონ.
მათ ავუხსენით, რომ პროექტი უკვე მზადდება და ჩვენ ვფიქრობთ, რომ წლის ბოლოსთვის გვექნება გამზადებული, დასრულებული პროექტი, გაზაფხულზე უკვე შევძლებთ, ახალი სკოლის მშენებლობისთვის ტენდერის გამოცხადებას. სამუშაოებიჩ სავარაუდოდ გაზაფხულის მიწურულს დაიწყება.
ის მოცემულობა რაც არის 166-ე სკოლასთან დაკავშირებით, არის ის, რომ აქ უნდა აშენდეს ახალი სკოლა. მართალია, რომ პროცესი გაჭიანურდა, 2,5 წელია რაც ეს პროცესი მიდის, თუმცა იმ თარიღებზე რაც ჩვენ დავასახელეთ, ამაზე პასუხისმგებლობას სრულად ვიღებთ”- თქვა განათლების მინისტრის მოადგილემ.
ბოლო რამდენიმე დღეა, თბილისში, წერეთლის გამზირზე, 166-ე საჯარო სკოლასთან აქცია მიმდინარეობს.
მშობლები და მასწავლებლები, შენობას რეაბილიტაციას ითხოვენ და დემონტაჟს ეწინააღმდეგებიან.
მათი თქმით, უკვე სამი წელია მოსწავლეები და მასწავლებლები ორ სკოლაში – 155-ე და 24-ე საჯარო სკოლებში არიან განაწილებული.