ჟურნალისტი თამარ ჩერგოლეიშვილი სოციალურ ქსელში პოსტს აქვეყნებს და საზოგადოების იმ ნაწილს მიმართავს, ვინც მას შეურაცხყოფას აყენებს. ის აცხადებს, რომ უარყოფითი კომენტარები მასზე არ მოქმედებს და ბოროტის მსურველები უბრალოდ დროს კარგავენ.
“დაუძინებელო მეგობრებო, მე რომ ვიზრდებოდი, მამაჩემმა დამარწმუნა რომ ვარ ლამაზი და უმრავლესობაზე ბევრად გონიერი (მამაჩემის აზრით გიგაზე ჭკვიანიც ვარ).
მართლა დამარწმუნა – I just know!
ამიტომ რამდენმაც არ უნდა მიძახოთ გიჟი, მახინჯი, ჰქმნათ ჩემს დასაწყნარებლად საწოლფონდები და დაიგლიჯოთ ნერვები, მე ეს მხოლოდ მაძლიერებს – ზუსტად ვიცი რომ ასე არ არის და იმიტომ. ჩემი ძალა გაღიზიანებთ და ამის გამო ილანძღებით.
მე ჩემი გითხარით, დანარჩენი თქვენ იცით – აკაკუნეთ და იყავით!
p.s. კაი ილუსტრაცია მოვუფიქრე მოგვიანებით.” – წერს ჩერგოლეიშვილი