თესალონიკში 50 ათასი ევროსა და ორი ოქროს ფუნტის ქურდობის საქმეზე 28 წლის საქართველოს მოქალაქე ქალი დააკავეს – ინფორმაციას “მთავარი ამბები კახეთიდან” ავრცელებს.
მოგვიანებით თანხა და ოქროს ფუნტები თავად მეპატრონის სახლში აღმოაჩინეს, რის შემდეგაც 51 წლის ქალმა პოლიციაში შეტანილი საჩივარი უკან გაიწვია.
ბერძნული მედიის ინფორმაციით, ქართველი ქალი უცხოელთან სახლში დამლაგებლად მუშაობდა. მეპატრონემ პოლიციას განუცხადა, რომ 50 ათასი ევრო და ოქრო მოპარეს.
სამართალდამცავებმა დაკავებული ქალის სახლიც გაჩხრიკეს, თუმცა მოპარული თანხა და ოქროს მონეტები ვერ იპოვეს.
მოგვიანებით კი ის მფლობელის სახლში აღმოჩნდა. ქალმა პოლიციაში შეტანილი საჩივარი უკან გაიწვია.
საქმის შემდგომ პროცედურებზე შესაბამისი სამართალდამცავი ორგანოები იმსჯელებენ.