საქართველოს ეროვნული ნაკრების წევრი, გიორგი ქოჩორაშვილი ამბობს, რომ უკრაინის ნაკრების წინააღმდეგ თამაში იმ კუთხითაც გამოდგა რთული, რომ ბოლო პერიოდში ნარკებმა ცვლილებები განიცადა.
ნაკრები მე-6 ნომერი დარწმუნებულია, რომ ახალ მწვრთნელთან ერთად გუნდი უფრო კარგ შედეგს მიაღწევს და შემდგომ თამაშებში 3 ქულას მოიპოვებს.
რთული თამაში გამოდგა, იმ ცვლილებების გამო, რაც ეროვნულ ნაკრებში მოხდა, შევეცადეთ ის დავალებები, რაც მწვრთნელმა დაგვავალა შეგვესრულებინა, მაგრამ რა თქმა უნდა , დიდი მუშაობა დასჭირდათ ამ 2 დღეში, ჩვენც, რომ ეს ყველაფერი გაგვეგო, წინ რამდენიმე დღე გვაქვს, სადაც უფრო მეტად დავხვეწავთ ამ დავალებებს და შევასრულებთ. რაც შეეხება დაცვის მხარეს – კარგად შევასრულეთ და შეტევაში გოლები იმედია მალე მოვა, რომ ხალხმაც გაიხაროს, ჩვენც და ის სამი ქულა, რასაც თამაშიდან ველოდებით, მოვიპოვოთ.
ხალხის ძალაც იგრძნობოდა, რაც შეიძლება წინა თამაშზე დაგვაკლდა და შევეცადეთ ჩვენც მაქსიმალური გაგვეკეთებინა, – თქვა ქოჩორაშვილმა.