“მიხეილ სააკაშვილს დღეს ექნება პროგრამული გამოსვლა – ის ნამდვილად აპირებს ქართველ ხალხთან ერთად აღმშენებლობის კიდევ ერთი ეპოქის შექმნას”- რას ამბობ ირაკლი ფავლენიშვილი”

„ნაციონალური მოძრაობის“ მმართველობითი საბჭოს თავმჯდომარის, ირაკლი ფავლენიშვილის ინფორმაციით, საქართველოს მესამე პრეზიდენტი, მიხეილ სააკაშვილი დღეს სამოქმედო გეგმასთან დაკავშირებით განცხადებას გააკეთებს.

როგორც მან ჟურნალისტებს განუცხადა, „ის ნამდვილად აპირებს ქართველ ხალხთან ერთად აღმშენებლობის კიდევ ერთი ეპოქის შექმნას“.

„მიხეილ სააკაშვილი დღეს გააკეთებს საპროგრამო განცხადებას, მას ექნება პროგრამული გამოსვლა. მიხეილ სააკაშვილი 5 წელი პატიმრობაში იმიტომ არ იმყოფება, რომ მანქურთებს დაუტოვოს ეს ქვეყანა. ის ნამდვილად აპირებს ქართველ ხალხთან ერთად აღმშენებლობის კიდევ ერთი ეპოქის შექმნას. ძალიან მნიშვნელოვანია მისი ხედვა, თუ როგორ უნდა მოხდეს ქვეყანაში ცვლილებები და როგორ ხედავს ის პოლიტიკურ მდგომარეობას. გასაგებია, რომ მიხეილ სააკაშვილი დღემდე არის მთავარი ოპონენტი და მთავარი ალტერნატივა ივანიშვილის. ის ნამდვილად აპირებს, რომ ქართული პოლიტიკა არ დაუტოვოს ოლიგარქს საჯიჯგნად. ამიტომ მას აქვს კონკრეტული ხედვა როგორ უნდა გამოვიდეთ ამ ჭაობიდან.

რაც შეეხება 1-ელ ოქტომბერს დაგეგმილ აქციას, ის გაიმართება 17:00 საათზე რიყის დოქებთან. მოვუწოდებთ ყველას, არამხოლოდ ჩვენი პარტიის წევრებს, მოსვლისკენ“, – განაცხადა ირაკლი ფავლენიშვილმა.