10 სექტემბერს, თბილისში, ხუდადოვის ქუჩაზე მოკლული 17 წლის დავით ნარიმანიძის დედა, ეკა მხატვრიშვილი სოციალურ ქსელში არქივიდან შვილის ვიდეოს აქვეყნებს.
ეკა მხატვრიშვილი ვიდეოს ურთავს ემოციურ პოსტს, რომელშიც წერს:
“დე, ესეც ჩუმად გადაგიღე ფანჯრიდან, თვალი მომკარი და არსად დადოო – მითხრი, სულ თვალს გადევნებდი იმ ავბედითი ღამის გარდა, ჩემი შვილი საქართველოს სადღეგრძელოზე დგებოდა ფეხზე და არა არაკაცების ნათქვამ სადღეგრძელოზე. კაცობა არასდროს შეშლია და სახელი დატოვა ადამიანობის“, – წერს ეკა მხატვრიშვილი სოციალურ ქსელში.