“მოწმე გივი ჯიბლაძემ თქვა, რომ როდესაც პრემიერად მოვიდა ღარიბაშვილი, მან „გაწია“ ფინანსთა სამინისტროს საგამოძიებო სამსახური და ხელში ჩაიგდო ქოლ-ცენტრები” – ელისო კილაძის ადვოკატი

მოწმე გივი ჯიბლაძემ თქვა, რომ როდესაც პრემიერად მოვიდა ღარიბაშვილი, მან „გაწია“ ფინანსთა სამინისტროს საგამოძიებო სამსახური და ხელში ჩაიგდო ქოლ-ცენტრები – ამის შესახებ ელისო კილაძის სასამართლო პროცესის დასრულების შემდეგ ადვოკატმა ნათია კორკოტაძემ განაცხადა.
მის ამ განცხადებას “ნეტგაზეთი” ავრცელებს. ადვოკატის თქმითვე, ეს ინფორმაცია ჯიბლაძეს გამოძიებისთვისაც აქვს მიწოდებული, მაგრამ ღარიბაშვილი გამოკითხული ამასთან დაკავშირებით არ არის.

ამ დროისთვის ღარიბაშვილის წინააღმდეგ სისხლის სამართლის ორი საქმე არსებობს – მას ქრთამის აღებასა და უკანონო შემოსავლის ლეგალიზაციას ედავებიან და 5-წლიანი პატიმრობა აქვს მისჯილი.