როგორც უკვე ფეისბუქ-ლაივიდან ნახეთ, ბოლომდე მოგვადგა ფეხი ღვინის ეროვნულმა სააგენტომ და 30 თეთრად აპირებენ ყურძნის მიღებას მასიურად – ამის შესახებ თელავის საკრებულოს წევრმა პარტია “ლელო – ძლიერი საქართველოდან” განაცხადა.
“მოკლედ, როგორც უკვე ფეისბუქ-ლაივიდან ნახეთ, ბოლომდე მოგვადგა ფეხი ღვინის ეროვნულმა სააგენტომ და 30 თეთრად აპირებენ ყურძნის მიღებას მასიურად. ყვარლის რაიონის სოფელ ახალსოფელში კილომეტრიანი რიგებია და ხალხი ვაჟკაცურად დგას წვიმაში და არ შეაქვთ ყურძენი მათხოვრულ ფასში, ისინი ეხლა მთელი კახეთის საქმეს აკეთებენ. ველაპარაკე ადგილზე ბიჭებს და ითხოვენ მთელი კახეთის გვერდით დგომას და ჩვენს ადგილზე ჩასვლად. ხვალ ყველამ თქვენი საქმე გადადეთ და ყველანი ჩავიდეთ, გვერდით დაუდგეთ ბიჭებს. თუ ეხლა თავისი გაიტანეს ამ ნაძირლებმა ყველას ცუდად ექნება საქმე და მერე არ იწუწუნოთ ზოგიერთებმა, ღირსებიც იქნებით. მე იმიტომ არ ვწერ რომ კონკრეტული პარტიის რაიონული ხელმძღვანელი ვარ, ამ ეტაპზე ეს საკითხი მეორე ხარისხოვანია ჩემთვის. ბევრმა იცით ჩემს ოჯახს აქვს დასაკრეფი 5 ჰა ვენახი და მეც ვარ იმ უბედურ დღეში, როგორც თქვენ და არ ვაპირებ მთელი წლის ნაწვალების ვიღაცისთვის ჩუქებას. ხოდა ხვალ ერთად გავიდეთ ახალსოფელში ასე 12 საათზე და წიხლი ვკრათ ამ წუნკლებს!!! სხვა საუბარია ზედმეტია, ყველა დაორგანიზდით თქვენი ტრანსპორტით, ყველას გვეხება გასაჭირი!!! ადმინ დაგვიდასტურეთ” – წერს თელავის საკრებულოს წევრი პარტია “ლელო – ძლიერი საქართველოდან” და ყურძნის დაბალი ფასის გამო დაწყებულ პროტესტს ეხმაურება.
ყურძნის ფასის გამო საპროტესტო აქცია გუშინ ყვარლის რაიონის სოფელ ახალსოფელში გაიმართა.