რუსეთის მიერ საქართველოს ოკუპირებული ტერიტორიების ეტაპობრივი პოლიტიკური ინტეგრაციისა და მათი სრული ანექსიისკენ გადადგმული ნაბიჯები ძირს უთხრის საქართველოს სუვერენიტეტს. ამის შესახებ განცხადებას ნორვეგიის საგარეო საქმეთა სამინისტრო ავრცელებს.
“რუსეთის მიერ საქართველოს ოკუპირებული ტერიტორიების ეტაპობრივი პოლიტიკური ინტეგრაციისა და მათი სრული ანექსიისკენ გადადგმული ნაბიჯები შემაშფოთებელია და ძირს უთხრის საქართველოს სუვერენიტეტს. ჩვენ არ ვაღიარებთ ოკუპირებულ სამხრეთ ოსეთში დღეს გამართულ ე.წ. “საპრეზიდენტო არჩევნებს,” – ნათქვამია განცხადებაში.