თბილისის 21-ე საჯარო სკოლაში, აქციის პარალელურად, სკოლის სამეურვეო საბჭოსა და მერიის თანამშრომლებს შორის შეხვედრა მიმდინარეობს.
გავრცელებული ინფორმაციით, მერიის თანამშრომლები სკოლის წარმომადგენლებს შენობის ტექნიკური მდგომარეობის ექსპერტიზის დასკვნის შედეგებს აცნობენ.
შეგახსენებთ, რომ აქციის გამართვის მიზეზი მშობლებისთვის გაგზავნილი შეტყობინება გახდა, რომლის მიხედვითაც, შენობის ავარიული მდგომარეობიდან გამომდინარე, 18 სექტემბრიდან სკოლაში სასწავლო პროცესი ჩერდება.