“ჩემს მეუღლეს პირდაპირ ეუბნებოდნენ: “თუ შენს მეგობრებზე ჩვენებას არ მისცემ, ორივეს 10 წლით ციხეში გაგვიშვებთ, თქვენი შვილი კი ობლად დარჩება” – ეს ამ ადამიანის – თამაზ ბორაშვილის სიტყვებია, რომელიც 2 დღის წინ ივანიშვილმა სუს-ის უფროსად დანიშნა” – ამის შესახებ ანი ნადარეიშვილი სოციალურ ქსელში წერს.
“2025 წლის 25 დეკემბერს ჩემს სახლში სუს-ის თანამშრომლები და ავტომატებით შეიარაღებული სპეცრაზმელები შემოვარდნენ. სახელმწიფო გადატრიალების ბრალდებით დამაკავეს ჯერ მე, ჩემი არასრულწლოვანი შვილის და ოჯახის თვალწინ, შემდეგ კი ჩემი მეუღლე – ბაჩო ახალაია.
სუს-ის შენობაში გადაყვანის შემდეგ ჩემს მეუღლეს პირდაპირ ეუბნებოდნენ: “თუ შენს მეგობრებზე ჩვენებას არ მისცემ, ორივეს 10 წლით ციხეში გაგვიშვებთ, თქვენი
შვილი კი ობლად დარჩება” – ეს ამ ადამიანის
– თამაზ ბორაშვილის სიტყვებია, რომელიც 2 დღის წინ ივანიშვილმა სუს-ის უფროსად დანიშნა.
მივმართავ ბორაშვილს: მე კარგად მახსოვს შენი სახე, როდესაც ბაჩოს თავზე ედექი და მე ხელბორკილით ჩამატარეთ მის თვალწინ სუს-ის შენობაში. შენ იცი, რაც გააკეთე და პასუხს აგებ იმ დანაშაულისთვის, რომელიც ჩაიდინე, რამდენი
ხანიც არ უნდა გავიდეს!” – წერს ანი ნადარეიშვილი სოციალურ ქსელში.