ცნობილი ხდება გუდაურში, ვერმფრენის ჩამოვარდნისას რამდენიმე გარდაცვლილის ვინაობა. – ამის შესახებ სოციალურ ქსელში პოსტებს მათი მეგობრები აქვეყნებენ.
შინაგან საქმეთა სამინისტროს ცნობით, ბორტზე სულ 8 ადამიანი იყო. მათ შორის, ეკიპაჟის 4 წევრი, ასევე, შინაგან საქმეთა სამინისტროს საგანგებო სიტუაციების მართვის სამსახურის 2 მაშველი და ჯანდაცვის სამინისტროს საგანგებო სიტუაციების კოორდინაციისა და გადაუდებელი დახმარების ცენტრის 2 მედიკოსი.
ერთ-ერთი გარდაცვლილი მედიკოსის, ქეთი გულაგაშვილი შესახებ სოციალურ ქსელში მოქალაქე გიორგი აფციაურმა დაწერა.
გარდაცვლილთა შორისაა, ვერტმფრენის პილოტი ზაზა ლორია.
„კარგი მეგობარი და თავის საქმეზე შეყვარებული კაცი“ – დიმა ქააძე, დღეს მომხდარი ტრაგედიის ერთ-ერთი მსხვერპლია.
მაშველების შესახებ ვიდეოს გიორგი კუჭუხიძე აქვეყნებს და წერს, რომ ვაჟკაცობის ეტალონები იყვნენ.
“ძალიან მიჭირს ამ პოსტის დაწერა როცა ვიაზრებ, რომ რამოდენიმე საათის წინ ერთად ვიყავით ბაზაზე… მთელი გულით ვუსამძიმრებ გარდაცვლილების ოჯახებს. კახა ტორჩინავა და გიორგი მარგიანი საუკეთესო მაშველები და ვაჟკაცობის ეტალონები იყვნენ.
ვამაყობ ძმებო თქვენს გვერდით ნამუშევარი ყოველი წუთით. ღმერთმა გაანათლოს თქვენი კეთილი სულები მეხანძრე მაშველი გმირია!!!” – წერს “ფეისბუქში” გიორგი კუჭუხიძე.