საქართველოში 10 წელზე მეტი ასაკის იყო მსუბუქი ავტომობილების 80% და სატვირთოების, მიკროავტობუსებისა და ავტობუსების 92%

საქართველოში რეგისტრირებული ავტოპარკის უდიდესი ნაწილი 10 წელზე მეტი ასაკის ავტომობილებზე მოდის.

საქსტატის 2025 წლის მონაცემებით, ქვეყანაში ჯამში 1.914 მილიონი ავტოსატრანსპორტო საშუალება იყო რეგისტრირებული, მათგან 1.540 მილიონი, ანუ 80.4%, 10 წელზე მეტი ასაკის იყო.

უფრო დეტალურად თუ ჩავშლით, საქსტატის მონაცემების მიხედვით, 2025 წელს საქართველოში 1.650 მილიონი მსუბუქი ავტომობილი იყო რეგისტრირებული.

2 წელზე ნაკლები ასაკის იყო 28.9 ათასი ავტომობილი – 1.8%;
5 წელზე ნაკლები ასაკის 79.7 ათასი ერთეული – 4.8%;
10 წელზე ნაკლები ასაკის იყო 330.6 ათასი ავტომობილი – 20%;
10 წელზე მეტი ასაკის იყო 1.318 მილიონი ერთეული – 79.9%;
ასაკი უცნობი იყო 500 ავტომობილის შემთხვევაში.
„საქსტატის“ მონაცემების თანახმად, განსაკუთრებით მაღალია ძველი ავტომობილების წილი ავტობუსებსა და მიკროავტობუსებში.

კერძოდ, 2025 წლის მონაცემებით, მათი საერთო რაოდენობა 54.9 ათასი იყო, საიდანაც:

2 წელზე ნაკლები ასაკის იყო ათასი ერთეული – 1.9%;
5 წელზე ნაკლები ასაკის იყო 3 ათასი – 5.5%;
10 წელზე ნაკლები ასაკის იყო 4.4 ათასი – 7.9%;
10 წელზე მეტი ასაკის კი იყო 50.5 ათასი – 92%.
რაც შეეხება სპეციალურ ავტომობილებს, მათი საერთო რაოდენობა 80.7 ათასი იყო. მათგან 10 წელზე მეტი ასაკის იყო 53.2 ათასი ანუ 66%. ამასთან, 2 წელზე ნაკლები ასაკის იყო 7.1 ათასი ავტომობილი (8.8%), 5 წელზე ნაკლები – 14 ათასი (17.4%), ხოლო 10 წელზე ნაკლები – 21.5 ათასი (26.7%). 5.9 ათას სპეციალური ავტომობილის (7.3%) შემთხვევაში კი ასაკი უცნობი იყო.

სტატისტიკის ეროვნული სამსახურის 2025 წლის მონაცემებით, სატვირთო ავტომობილების შემთხვევაში 10 წელზე მეტი ასაკის მანქანების წილი კიდევ უფრო მაღალია.

კერძოდ, გასულ წელს მათი საერთო რაოდენობა 129.1 ათასი იყო, საიდანაც 118.4 ათასი, ანუ 91.7%, 10 წელზე მეტი ასაკის იყო. 2 წელზე ნაკლები ასაკის იყო 3 ათასი სატვირთო (2.3%), 5 წელზე ნაკლები – 4.5 ათასი (3.5%), ხოლო 10 წელზე ნაკლები – 9.8 ათასი (7.6%). ასაკი უცნობი იყო 900 სატვირთო ავტომობილის შემთხვევაში (0.7%).