რუსთავში 12 წლის ბიჭს ავტომობილი დაეჯახა.
საინფორმაციო სააგენტო “ინფო რუსთავის” ინფორმაციით, არასრულწლოვანი მეგობართან ერთად მეგობრობის გამზირზე ზებრა გადასასვლელზე გადადიოდა, რა დროსაც “ტოიოტას” მარკის მსუბუქი ავტომობილი შეეჯახა.
მოზარდი სასწრაფო დახმარების ეკიპაჟმა კლინიკა რუსთავში გადაიყვანა. მას მსუბუქი დაზიანებები აღენიშნებოდა.
ადგილზე მობილიზებული იყო საპატრულო პოლიციის ეკიპაჟი.