პოლიციის ყოფილი მაღალჩინოსნის, იოსებ სიგუას ყოფილი ცოლი, სოფიო სიგუა აცხადებს, რომ პოლიციის მაღალჩინოსანმა მის წინააღმდეგ კიდევ ერთი საჩივარი შეიტანა. ქალი აღნიშნავს, რომ იოსებ სიგუა მას 11 წლიანი პატიმრობით ემუქრება
სოფიო სიგუა სოციალურ ქსელში წერს, რომ ექს-პოლიციელი შვილებს 4 თვეა არ ნახულობს და “ChatGPT-ით გაკეთებული ფოტოებით ატყუებს ხალხს”.
ბავშვებს რატო არ ნახულობს თქო და მოწმეები არიან და ვერ ვნახავო, ეს პროცესი შეიძლება 4 -6 წელი არ დასრულდეს ყოველ დღე ახალ საჩივარს თუ დაწერს და ანუ შვილების ნახვას აღარ აპირებს chatGPT ფოტოებს დებს და ხალხს ატყუებს”- დაწერა სოფიო სიგუამ.
შეგახსენებთ, სააპელაციო სასამართლომ პოლიციის ყოფილი მაღალჩინოსნის, შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ყოფილი უფროსის, იოსებ სიგუას მიმართ გამოწერილი შემაკავებელი ორდერი გააუქმა.
სასამართლო დავის დაწყებამდე სოფიო სიგუა-შატბერავამ „ნოდარ მელაძის შაბათში“ განაცხადა, რომ იოსებ სიგუა მას სიცოცხლის მოსპობით, მე-12 სართულიდან გადაგდებით, კასრში ჩასმითა და დამარხვით ემუქრებოდა.
დაზარალებულის მიმართვის საფუძველზე, იოსებ სიგუას შემაკავებელი ორდერი ჰქონდა გამოწერილი. რაც შეეხება ელექტრონული სამაჯურის მეშვეობით ელექტრონულ მონიტორინგს, აღნიშნული ვადის გასვლის შემდგომ გაუქმდა.