სახელმწიფო უსაფრთხოების სამსახურის უფროსმა, გელა გელაძემ თანამდებობა დატოვა. გადაწყვეტილების შესახებ გელაძე სოციალურ ქსელში თავად წერს.
„პოლიტიკურ გუნდთან კონსულტაციების შედეგად, საქმიანობას სხვა უწყებაში გავაგრძელებ, სადაც კვლავაც მთელი პასუხისმგებლობით მოვემსახურები ჩვენი ქვეყნისა და საზოგადოების ინტერესებს,“ – ნათქვამია გელაძის „ფეისბუქ“ სტატუსში.
შეგახსენებთ, რომ პარლამენტმა გელა გელაძე სუს-ის უფროსად, უფლებამოსილების 6-წლიანი ვადით, მიმდინარე წლის 28 აპრილს დაამტკიცა.
აღსანიშნავია ისიც, რომ გელაძეს სამთავრობო უწყებებში მუშაობის მრავალწლიანი გამოცდილება აქვს. სუს-ის უფროსად დანიშვნამდე ის შინაგან მინისტრის პოსტს იკავებდა 2025 წლის 28 მაისიდან 2026 წლის აპრილამდე პერიოდში.
შს მინისტრის პოსტზე წარდგენამდე სახელმწიფო უსაფრთხოების სამსახურის უფროსის მოადგილის თანამდებობას იკავებდა. მანამდე, 2023-2024 წლებში ის ჯერ განათლების მინისტრის, შემდეგ კი თავდაცვის მინისტრის მოადგილე იყო.
„ბიზნესპრესნიუსი“ დაინტერესდა როგორია გელა გელაძის ოჯახის ფინანსური მდგომარეობა.
მიმდინარე წლის 20 თებერვალს წარდგენილი ქონებრივი დეკლარაციის თანახმად, უშუალოდ გელა გელაძის საკუთრებაშია: 1468 კვ.მ. ფართობის საცხოვრებელი სახლი ბეთანიის დასახლებაში, რომელიც 2009 წელს ჩუქებით აქვს მიღებული, ასევე მის კუთვნილებაში 7 350 კვ.მ. ფართობის მიწის ნაკვეთის 50%-იანი წილი, ახმეტის რაიონში, რომელიც 2021 წელს 5 500 აშშ დოლარად შეიძინა.
გარდა ამისა, 11 უძრავი ქონება ფიქსირდება გელა გელაძის მეუღლის საკუთრებაში. უფრო კონკრეტულად: 5 ბინა, 3 მიწის ნაკვეთი {მათგან ერთ-ერთი ნაკვეთის მხოლოდ 50%-ია მის სახელზე}, 2 ავტოფარეხი და 1 არასაცხოვრებელი ფართი.
გელაძის მეუღლის სახელზე რეგისტრირებული უძრავი ქონებების ჩამონათვალი ასეთია: განაგრძეთ კითხვა