გამოცემა „ტაბულას“ რედაქტორმა თამარ ჩერგოლეიშვილმა ჟურნალისტ ინგა გრიგოლიას რესპოდენტთან ნუგზარ წიკლაურთან საუბრის დასრულება არ აცადა. ის პირდაპირ ეთერში დროზე ადრე შევიდა და ჟურნალისტს შენიშვნა მისცა. როგორც აღმოჩნდა მეორე რესპოდენტმა გადაცემაში მისვლა დააგვიანა.
პროტესტის ნიშნად ჩერგოლეიშვილმა გადაცემა დატოვა. მოგვიანებით კი სოციალურ ქსელში ამასთან დაკავშირებით პოსტი განათავსა:
“50 წუთი ნუგზარ წიკლაურს კი არა, გიგა ბოკერიას არ დავლოდებივარ არსად.
თან მე ყოველთვის ვამოწმებ გასვლის წინ, დრო ხომ არ შეიცვალა – ამჯერადაც გადავამოწმე.
“გადაცემა როგორ წავა” ისე ჩემი ცხოვრება ვერ წავა და არ წავა და ამ დამოკიდებულების მიღება სწორად არ მიმაჩნია.
სხვებს შეიძლება აქვთ მაგდენი დრო.
მე არ მაქვს.” – წერს ჩერგოლეიშვილი