სუს-ის ექს-შეფის ადვოკატი, ლანა ცერცვაძე ამბობს, რომ გრიგოლ ლილუაშვილის წინააღმდეგ მიცემული ჩვენების სანაცვლოდ, ეკონომიკის სამინისტროს ყოფილ მაღალჩინოსანს, მსჯავრდებულ რომეო მიქაუტაძეს საპროცესო შეთანხმებაზე დანაპირები მიღებული აქვს, თუმცა უფლებადამცველი არ გამორიცხავს, რომ ეს დანაპირები მიქაუტაძეს არ აუსრულონ.
ლანა ცერცვაძის თქმით, ახლა ყველაფერი პორკურატურის გადაწყვეტილებაზეა დამოკიდებული.
ადვოკატმა ეს განცხადება გუშინ რამის ლილუაშვილის პროცესის დასრულების შემდეგ განაცხადა, სადაც სუს-ის ექს-შეფმა ჩვენება მისცა, ასევე დაკსვნითი სიტყვა თქვა ბრალდების მხარემ.
ლანა ცერცვაძის თქმით, პროკურატურას არცერთი მტკიცებულება არ აქვს საქმეში, რომელი სუს-ის ექს-შეფის ბრალს დაადასტურებს.
“რომეო მიქაუტაძესთან დაკავშირებული ორი ეპიზოდი. აღნიშნულ ეპიზოდთან მიმართებაში არსებობდა მხოლოდ რომეო მიქაუტაძის ცრუ ჩვენება, რომელიც სრულად გაბათილდა დაცვის მხარის წარმოდგენილი არაერთი მოწმის ჩვენებით, რომლებმაც თანმიმდევრულად, ობიექტურად მიაწოდეს სასამართლოს ის რეალობა, რაც თანხვედრაშია სხვა ობიექტურ და ნეიტრალურ მტკიცებულებებთან. ბრალდების მხრე საუბრობს დანშაულის ჩანასახებზე, მაგრამ ხორცს ვერ ასხამს მტკიცებულებებზე ფაქტია. ეს ცალსახაა, მე მაქვს მოლოდინი, რომეო მიქაუტაძეს საპროცესო შეთანხმებაზე დანაპირები მიღებული აქვს- რამდენად რეალიზდება და სისრულეში მოიყვანეს ბრალდების მხარე, ეს უკვე მეორე საკითხია”- აცხადებს ლანა ცერცვაძე.
სუს-ის ექს-შეფი გასული წლის 23 დეკემბერს დააკავეს – ყოფილ მაღალჩინოსანს ედავებიან „ფულის გათეთრების“ ოთხ ეპიზოდს:
რას ედავებიან ლილუაშვილს?
ქარის ელექტროსადგურების მშენებლობის ლობირებისთვის თურქ ინვესტორ ჩაღათაი ულქერისგან $1 მლნ-ის აღებას, ეკონომიკისა და მდგრადი განვითარების მინისტრის იმჟამინდელი პირველი მოადგილის, რომეო მიქაუტაძის მეშვეობით;
გაზიფიკაციის ტენდერებში დახმარების სანაცვლოდ, კომპანია „ექსპრესსერვისი 2008-ის“ დამფუძნებელ გიორგი ხაჟალიასგან 1,5 მლნ ლარის აღებას რომეო მიქაუტაძის მეშვეობით;
2021-2023 წლებში დანაშაულებრივი „ქოლცენტრების“ მფარველობას, საიდანაც ბრალდების ინფორმაციით, ლილუაშვილმა მიიღო $1 365 000;
პროკურატურა ამბობს, რომ ლილუაშვილი ქრთამის სანაცვლოდ მფარველობდა თბილისის მერიის საბავშვო ბაგა-ბაღების მართვის სააგენტოს ყოფილ დირექტორს, კახა გვანცელაძეს, რომელიც გამოძიების ინფორმაციით, ბაღების შესყიდვებიდან „ატკატებს“ იღებდა.