რუსეთმა ეროვნული სუვერენიტეტი გაამყარა, – ამის შესახებ რუსეთის პრეზიდენტმა ვლადიმერ პუტინმა ინდოეთში, BRICS-ის ბიზნეს ფორუმზე სიტყვით გამოსვლისას განაცხადა.
„რუსეთი სანდო პარტნიორებთან კავშირებს ავითარებს და მთელ მსოფლიოსთან თანამშრომლობისთვის მზად არის. რუსეთის ეკონომიკაში სტრუქტურული ცვლილებები დაიწყო, რის შედეგადაც, იგი უფრო ძლიერი, მდგრადი და მოქნილი გახდა. ბოლო სამი წლის განმავლობაში რუსეთში ეკონომიკური ზრდის ტემპები მსოფლიოს საშუალო მაჩვენებელს აღემატება“, – განაცხადა პუტინმა.
მისი თქმით, რუსეთის წინააღმდეგ 30 ათასზე მეტი სანქციაა დაწესებული.
„ეს თითქმის ორჯერ მეტია, ვიდრე მსოფლიოს ყველა ქვეყნის წინააღმდეგ დაწესებული სანქციები ერთად. მაგრამ, თავად სანქციების ინიციატორები აღმოჩნდნენ მძიმე შედეგების წინაშე. ისინი ეკონომიკური ვარდნის, ბიუჯეტის დეფიციტისა და მზარდი სახელმწიფო ვალების წინაშე აღმოჩნდნენ“, – აღნიშნა რუსეთის პრეზიდენტმა.