“საქართველო განთავისუფლდება ძალიან მალე და მასთან ერთად გათავისუფლდებიან უსამართლოდ დატყვევებული ადამიანებიც” – რას წერს მიხეილ სააკაშვილი

“მინდა მივმართო მედიას და ფართო აუდიტორიას, თუ ღმერთი გწამთ, ნუ ტირაჟირებთ სრულ სისულელეებს იმის ლაპარაკით “მაშინ ეს და ეს ბევრი წლით აღმოჩნდება ციხეში. ეს და ეს პოლიტპატიმარი მხოლოდ 2035 წელს გამოვა ციხიდან…”
ნუთუ ვერ ხვდებით, რომ ამით ეგუებით ერთი ოჯახის მარადიულ დესპოტიზმს, ნუთუ თქვენამდე არ დადის, რომ ამით ხელჩამოშვებულობას და უიმედობას აბეტონებთ და დიქტატურას ეხმარებით?!
საქართველო განთავისუფლდება ძალიან მალე და მასთან ერთად გათავისუფლდებიან უსამართლოდ დატყვევებული ადამიანებიც.
ასე რომ გაასწორეთ ჩამოშვებული ცხვირები და გაანძრიეთ ხელი! ✊” – წერს მიხეილ სააკშვილი სოციალურ ქსელში.