მოქალაქე ამბობს, რომ ბათუმში “კრედო” ბანკის ერთ-ერთ ფილიალში ჯგუფურად სცემეს – კაცი ამტკიცებს, რომ მას რამდენიმე პირმა ბანკის შენობაში წიხლები და მუშტები ურტყა.
ბანკის მომხმარებლის მონაყოლის თანახმად, ანგარიშსწორება მენეჯერის კაბინეტში დაიწყო და შემდეგ ფოიეში გაგრძელდა. მამაკაცის ვერსიით, მას სესხზე ჰქონდა ვადაგადაცილება და ყველაფერი მას შემდეგ დაიწყო, რაც მას ტელეფონით ბანკიდან დაურეკეს. კაცი ირწმუნება, რომ ბანკი ამბის გასარკვევად მივიდა, მაგრამ იქ საქმეები გაურჩიეს.
“ერთი დღე დამავიწყდა თანხის შეტანა განვადებაზე. მიკავშირდება ე.წ. კრედით ოფიცერი, ვინმე მერაბი. ამ პიროვნებას ავუხსენი, რომ პრობლემა არის ბანკის მხრიდან და გაარკვიეთ-თქო და გავუთიშე ტელეფონი, იმიტომ, რომ საკმაოდ დაკავებული ვიყავი. რამდენიმე წუთში გადმომირეკა ამ პიროვნებამ, მეუბნება ალბათ გაითიშა, ვუთხარი, მე გაგითიშეთ, დაკავებული ვარ-თქო, მეუბნება, თუ თქვენ არ გაინტერესებთ თქვენი საქმე, მე საერთოდ რაში მაინტერესებსო. აგდებით მელაპარაკებოდა, ვუთხარი, ბანკის თანამშრომელი მელაპარაკებით თუ ქუჩაში ვარჩვეთ საქმეს-თქო. მივედი, რომ ჩემი უკმაყოფილება გამომეხატა, შემიყვანეს მენეჯერთან, დავჯექით, ვუხსნი სიტუაციას, რომ ძალიან უხამსად მელაპარაკა მისი თანამშრომელი. ამის ახსნის პროცესში ვარ და ამ დროს ეს პიროვნება შემოდის ოთახში. ძალიან აგრესიულად იწყებს ჩემთან საქმის გარჩევას – რომ მოხვედი რა და ჩვენს შორის ვინც უხეშად ილაპარაკა, იმის დედა, ამის დედა, აგერ ვარ და აბა რა გინდა – საქმეს მიშლის. ამის ყვირილზე შემოვიდა მისი რამდენიმე თანამშრომელი 4-5 და გაჰყავთ ძალით. როდესაც გაჰყავდათ მომიბრუინდა – “რომ მოხვედი ვის რა ფეხები უნდა მოჭამო შე სი…ოო, რაზეც ვერ მოვითმინე და შევაგინე. შეგინებისთანავე ჯერ თვითონ წამოვიდა მუშტებით და დამარტყა და მისი თანამშრომელიც რომელიც მარჯვნივ მედგას მირტყამს მუშტს თავში და წიხლს ფეხში. წამაქციეს, წიხლებით შემდგნენ და კიდევ მირტყამდნენ. აქ რომელიღაცა თანამშრომელი შემოვიდა, ამათრია, მომკიდა ტანსაცმელში და მინიმუმ 50 მოქალაქის წინაშე მიმათრევენ, როგორც ვიღაც რეციდივისტს. რას აკეთებთ-მეთი და ის მეორე იქიდან ყვირის – “გასალახი ხართ და გცემეთო”, – ამბობს დაზარალებული.
მომხადარზე შსს-მ გამოძიება 126-ე მუხლით დაიწყო, რაც ძალადობას გულისხმობს. “ტვ პირველის” ინფორმაციით, “კრედო” ბანკიდან ამოღებულია კამერების ჩანაწერები ასევე დაკითხულები არიან თანამშრომლები და სავარაუდო ძალადობაში მონაწილე პირებიც.